يرضيكى يا مصر اهلك يعملوا كده

يا مصر يا معلمة الدنيا الأدب

من آلاف السنين

يا مرّبيانى ومشّيلانى فوق دراعى

مدنة الرفاعى وسيدنا الحسين

يرضيكى يا مصر

إللى اتكتب فوق بيبانك

يرضيكى ... أسماء الدكاكين

مكوجى الحرمين !!

قهوجى المؤمنين !!

جزمجى المدينة المنورة !!

وتسالى آل البيت !!

يا مصر يا مؤمنة

قريت الكلام وبكيت

يا مصر السلاملك والحرملك

وأودة الضيوف

يا ريت تشطبى كل الحروف

بامشى فى الشوارع جنب الجوامع مكسوف !!

مطبعة يوم القيامة !!

مكتبة أهل الندامة !!

وسباك القدس الشريف !!

يا مصر الأولياء والصالحين

والحسب والنسب

يا مصر يوسف وموسى عليهم السلام

يا مصر الغزالى والقرضاوى والشعرواى

وكل من ليكى اتنسب

فهّمى الناس الغلابة

وامسحى كل الكتابة

لأنـــــــــــه عيــــب

فطير أهل السنة !!

وعصير أهل الجنة !!

وأبراج الصحابة!!

يا مصر الأدب

يا معلمنى الصح من الغلط

من فضلك نزلى اليفط

واعذرينى بغير على دينى

وحاسس بقلة أدب

مرسي علي الشعر الجميل ده

فعل ده كلام محزن جداااا

مرسي علي الموضوع